Friday, August 25, 2017

فاشلة جداً حد الشجاعة..

فاشلة جداً

حد اللي ما أكمل شي
حد اللي واايد واايد عندي أشياء بسويها...!
حد اللي ما بديت ابـ بعضها و بعضها أصلا ماعندي خطه لها,
المجتمع
انت ماتكمل شي = انت إنسان جداً فاشل
جربت أغلب الأمور اللي تخيلت نفسي من كنت صغيره إن أبي [ أكونها ], إي الصج!! إن من كنت صغيره كنت أدري شنو أبي أكون.. [واااااايد أشياء], و ماكنت أشوف هالشي غريب أو ما يصير أو غير واقعي!! كنت أشوف نفسي جداً واقعيه إن أبي[ أكون ] كل هالأشياء..،
كبرت و بديت أجرب و [ أكون ] كل هذيل.. و كلما أجرب شي!! بعد فتره اتركه
كنت أعتقد إني تحت تصنيف ( غير ملتزمه ) ( ماتعرف تسوي شي ) ( ماتعرف تكمل شي بدت فيه )..
تضايقت وايد، من نفسي!! أكثر من صورتي عند اللي حولي..
[ نفسي ] أنا قبل أي شي، شلون صارت صورتي جذي!
و ليش أنا جذي بالأساس..
ليش ماقدر أكمل و ليش ما قدرت [ أكون ] أي شي من اللي تخيلت راح [ أكونه ] وانا صغيره!
ليش أنا هالكثر فاشله“؟

..الصج!

أنا هالكثر ناجحه..
أنا هالكثر أحب نفسي
هالكثر فارق معاي صورتي عند نفسي و شنو أنا أعرف عن نفسي...
هالكثر أنا أعرف شلون أعيش.,
و هالكثر أبي أعرف منو أنا , شنو أنا
هالكثر أنا جداً جداً جدااااً ناجحه
حد اللي قاعده أجرب كل شي تخيلت نفسي راح [ أكون ]
و من غير خوف! قاعده أتركه لمن أكتشف إن مو هذا اللي [ بكونه ]
من غير خوف = شجاعه
إي, أنا جداً محوظه ابـ كم [ الشجاعه ] اللي أملكها...
بس الصج، إهي تكونت من إيماني إن الحياة موجوده علشان انطيح و نقوم نكمل رقص..
تكونت من إيماني إن المجتمع و أفكاره عادي تتغير
والأجيال اللي بعدنا راح يصير عندهم معتقدات يديد!!
وراح يصفقون حق اللي يطيح و يقولوله ( واااااو برافووو..)
بعد العشرين

وايد عندنا خوف من الأرقام، العمر... عندنا إطار للعمر اللي ممكن تحقق شي فيه!!
بس الصج... عندنا وااايد وقت، وااايد وايد وقت نسوي و نجرب و نحقق و نعيد و نرد نجرب لين نلاقي صج شنو ( أحنا ) مو المجتمع مو شنو الناس يقولون مو شنو أهلنا رسموا لنا ولا شنو الأعراف و المعتقدات !! يبونا نكون و نحقق و نعيش
كنت أعتقد إنِ جداً فاشله لأن جربت و بديت وااايد أشياء و حطيت وااايد خطط!! وما استمريت ولا كملت وبقرارا شخصي تركت و وقفت،
و الحين !! أنا أشوف نفسي،، جداً جداً جداااااً ناجحة، جداً ناااجحة 
أنا جداُ جداُ جدااااُ جريئة و شُجاعة...
لأن قررت أكون شنو أبي أكون
أجرب شنو ممكن أكون وعطيت خيال طفولتي الحق إن يتحقق حتى لو فتره قصيره...
وعطيت الحق حق نفسي إن أعيش ( حتى/ لين/ Until) ألاقي شنو أنا صج أبي أكمل حياتي وأسوي...
و [أكون].

Friday, April 14, 2017

تخلصت مِن إيماني؛

 
مافي شي مضمون ابـ هالكون.
الشي الوحيد اللي مايتغير أهو التغير نفسه،
كنت أسوي كل شي؛
علشان أكون مضمونه، حق نفسي...ابـ كل تغير

أول شي سويته!
تخلصت من إيماني بقوانين الكون و البشر،

تخلصت مِن فكرة "شنو المفروض و منو شنو بيقول و منو ابـ يمنعني من شنو"

"كُن فيكون"
"ادعوني أستجيب"
..."دع الامور تجري في اعنتها ونم نوما قريرا هانيء البال.فما بين طرفه عين وانتباهتها يغير الله من حال الى حال" الامام علي ع

و آمنت ابـ هالوعود..

صرت أهتم ابـ شنو ابي
شنو نيتي من كل شي..
شنو رغبتي
بعيداً عن يقين بشري "يقول مستحيل يصير".

أدعي باللي ابي؛
أطلبه..
وأنا كلي ثقة بالاستجابه..

من أصغر شي يرغب فيه قلب انسان مثلي
ليه أعظم شي؛ ممكن يتخيلة انسان مثلي...

يمكن أكون للبعض غير منطقية؛
لكن شنو المنطق غير اليقين التام ابـ "ادْعُونِي أَسْتَجِبْ" ؟

مافي بينهم أي شي؛
مافي بينهم حرف أو كلمة..
مافي بينهم، اصبر، انطر..اتعب، تألم...

فقط "ادْعُونِي أَسْتَجِبْ"

Monday, April 3, 2017

الحاقد، هو معجب غيور... || i Hate You Because


i believe that hate is lovetoo,
But in another form..!
For example..
hate you because, i adore you & i can't figure out if i want to adore you or i don't even have the ability to choose!
So i decided to hate you,..
or maybe;
i hate you because my soul forgave you, because my heart saw youe smile...
& i had no other option..!
maybe;
i hate you because i so damn like something you have, & i just can't get it..
so i hate you, because i like something on you.

Did you get my point ? 
They hate! because they...
truly
madly
deeply;
full in love in you, or something you have, while they didn't expect to, or wanted to.

أؤمن
أن الحاقد، هو معجب غيور...
يمكن النظرية جزئياً مقنعة
وجزء منها مفقود.. لكن شعور جميل إنك تفكر فيها ابـ هالطريقة ؟