Friday, April 14, 2017

تخلصت مِن إيماني؛

 
مافي شي مضمون ابـ هالكون.
الشي الوحيد اللي مايتغير أهو التغير نفسه،
كنت أسوي كل شي؛
علشان أكون مضمونه، حق نفسي...ابـ كل تغير

أول شي سويته!
تخلصت من إيماني بقوانين الكون و البشر،

تخلصت مِن فكرة "شنو المفروض و منو شنو بيقول و منو ابـ يمنعني من شنو"

"كُن فيكون"
"ادعوني أستجيب"
..."دع الامور تجري في اعنتها ونم نوما قريرا هانيء البال.فما بين طرفه عين وانتباهتها يغير الله من حال الى حال" الامام علي ع

و آمنت ابـ هالوعود..

صرت أهتم ابـ شنو ابي
شنو نيتي من كل شي..
شنو رغبتي
بعيداً عن يقين بشري "يقول مستحيل يصير".

أدعي باللي ابي؛
أطلبه..
وأنا كلي ثقة بالاستجابه..

من أصغر شي يرغب فيه قلب انسان مثلي
ليه أعظم شي؛ ممكن يتخيلة انسان مثلي...

يمكن أكون للبعض غير منطقية؛
لكن شنو المنطق غير اليقين التام ابـ "ادْعُونِي أَسْتَجِبْ" ؟

مافي بينهم أي شي؛
مافي بينهم حرف أو كلمة..
مافي بينهم، اصبر، انطر..اتعب، تألم...

فقط "ادْعُونِي أَسْتَجِبْ"

Monday, April 3, 2017

الحاقد، هو معجب غيور... || i Hate You Because


i believe that hate is lovetoo,
But in another form..!
For example..
hate you because, i adore you & i can't figure out if i want to adore you or i don't even have the ability to choose!
So i decided to hate you,..
or maybe;
i hate you because my soul forgave you, because my heart saw youe smile...
& i had no other option..!
maybe;
i hate you because i so damn like something you have, & i just can't get it..
so i hate you, because i like something on you.

Did you get my point ? 
They hate! because they...
truly
madly
deeply;
full in love in you, or something you have, while they didn't expect to, or wanted to.

أؤمن
أن الحاقد، هو معجب غيور...
يمكن النظرية جزئياً مقنعة
وجزء منها مفقود.. لكن شعور جميل إنك تفكر فيها ابـ هالطريقة ؟
 
 

Monday, March 6, 2017

يتسع أكثر حق حُب أكثر؛

ما أتذكر 70% من حياتي...
و قررت انسى باجي الـ 20% ...
و 10% كل شي حلو

انخلقنا علشان نحب 
أدري نحب؛ نحب وايد..
أدري مانبي غير اللي نبي
كلنا كنا نعتقد إن في أمور تدوم،
لكن وايد نسينا إن الشي الوحيد اللي دايم الله
و الطبيعي إن كل شي ما يدوم

علشان جذي؛
هم وايد طبيعي نكون سعيدين باللي عندنا وايد
و وايد حلو نستانس الحين باللي عندنا وايد

الحين؛
أنا ابي أعيش الحين؛
أبي أحب الحين..
وإذا محد حولي استوعبهالحُب
 راح استمر أحب؛ وبكون سحابة حُب؛ و بسامح..
أسامح.. أسامح

اليوم أنا خايفه أتأذى مثل ما تأذيت
واليوم أنا قمت أغمض عيني عن اللي ابيه؛
واليوم هم!
راح أغمض عيني وأقط نفسي...
لأن الله معطيني فرصه أعيش! علشان أعيش

اليوم راح أتذكر؛
إن لمن ينكسر قلبي
أهو بالحقيقه كبر أكثر.. 
و صار يتسع أكثر حق حُب أكثر؛