Saturday, February 18, 2017

يا الله استغفر منك, لكل لحظه جميله..


كان باقي لي هاللحظه!
بس هاللحظه..
استوعبت إني كنت وايد شي أجمل
لٍسبب ما عطيت الحق إن ينقال لي..."تغيييير" " مافي أحد جذي" "ليش انت دايماً غير"!!!! "الحمدالل والشكر, ترى كلها صدفه, ليش تعطينها اسم.." 

ت هـ و ـر



هذا تهور..!!
أؤمن إن "غير كلماتك تتغير حياتك"
تهور.. أجمل قرار اهو هذاك اللي يسمونه "تهور" it's actually living
اهو بالحقيقه "فعل العَيش"
اهو بالحقيقه شجاعة التجربة,
الشجاعة اهي أقصى درجات الخوف!
الخوف أجمل صديق! أهو يقولك شنو لازم الحين تسوي لأن راح يكون أكثر شي عجيب بحياتك ممكن تجربه.. أو تجربه ممتعه تقولك شي عن نفسك ما عمرك عرفته

خبـــــــال!..
بس قررت أصدق

ما نبتسم حق خلق الله
نظن السوء باللي يكلمنا
لازم في مقابل حق كل شي حلو يسونه
و أصلا محد زين معاك مني و الطريج
الجماد ما يحس!
و الحيوانات مجرد حيوانات
اللي عنده وشم, أسوأ مخلوقات الله
جداّ عادي تحش بالناس و ما تعتبر سئ
واللي تضحك من غير سبب! قلة أدب
و العِناق رذيله
مايصر تكون زين مع كلمن
و كلمن يصلي! أهو أحسن مخلوقات الله
و لازم نخاف من الموت..
إي هذي أهم نقطه..! لازم نخاف من الموت
و الجماد.. مجرد جماد و من الينون انك تهتم لمشاعر صخرة خذيتها من جبل
وعيب تساعد ريال غريب
شالسخافه! ماله داعي تقولين حق أحد شكثر اليوم طالع جميل و منور
سلمي على اللي تعرفينهم..
و عيب واااايد عيب نبستم للغريب

يالله خل نكون "طبيعين.."
يوم يومين
سنه، سنه و يومين!


يا الله يا أجمل من عرفت..
إذا هذي إهي الحياة! و اللي مطلوب مني و تبيه..
خل قلبي يقتنع.. خل قلبي يفهم ليش ماقدر ابتسم للغريب.

يالله يا أجمل حُب..
قولي ليش ما  أقدر أحب مخلوقاتك
الموج... يا جمال صوت الموج
الريح.. يا جمال ملمس الريح
الصخر!! لون الصخر.. شعور إنهم خلقك
شعور إنهم خلقك...

عِناق.. يبحث عن عِناق
هذاك الكرسي الجانبي... وحيده
بجانب السحاب..سكون, ابتسم!

يا الله شنو هالجمال..
هذي إهي الحياة
هذي إهي أنا..
و هذا اللي أنا ابيه,
خل يكون أهو الـ "طبيعي" يكون
لأن ماعندي مانع أكون مو طبيعية..,

يا الله استغفرمنك, لكل لحظه جميله.. منعت نفسي منها لأن "بعض" من خلقك قالولي ...وأنا صدقت

يا الله... شكراً

2 comments:

  1. بالبداية مانكدر نكون طبيعيين بسبب تقيدنا بعادات وتقاليد وخوف مفروض علينا او تربينا عليه، لكن بأيدينا نكسر كل شي ونعيش مثل ما نريد ونحب حسب قناعاتنا يكفي أنج كتبتي هذا الكلام يعني أنتِ كسرتي كل هالأشياء والخرافات. شكرا على الكلام راقي والاسلوب المتحضر 🌹🌹🌹🌹

    ReplyDelete
  2. يالله عطنا القوة في ان نرجع لنفسنا لمن نضيع وتتلاشى حقيقتنا بافكار وقناعات اللي حولنا
    و نندهش ونحيى بعوالمنا
    ونرجع
    نكون
    احنا احنا
    ونرجع دايما لحقيقتنا .. كينونتنا

    sarah
    be and let be

    hugs and love

    ReplyDelete